Ish-Presidentit të Kosovës, Hashim Thaçi i është refuzuar kërkesa për lirim nga paraburgimi.
Paneli i Apelit i Gjykatës Speciale me seli në Hagë, ka refuzuar ankesën e mbrojtjes së Thaçit lidhur me refuzimin e gjyqtarit paraprak për lirimin nga paraburgimi.
Apeli i Gjykatës ka konstatuar se nuk është gabuar gjatë konstatimit nga ana e gjyqtarit të procedurës paraprake.
“Si rezultat, trupi gjykues konstaton se gjyqtari i procedurës paraprake nuk ka gabuar në konstatimin se periudha që Thaçi ka kaluar në paraburgim mbetet e arsyeshme, dhe në përputhje me rrethanat e hedh poshtë pikën G të ankesës së Thaçit”, thuhet në arsyetimin e Panelit.
Lidhur me këtë, palëve i është dhënë kohë që në afat prej më së largu 10 ditë pas marrjes së vendimit të dërgojnë parashtresa lidhur me refuzimin e Apelit.
