Misioni paqeruajtës i KFOR-it, ka mohuar se kanë qenë të angazhuar me Forcën e Sigurisë së Kosovës dhe me Policinë e Kosovës.
Këto pretendime, komandanti i KFOR-it, Kajari, ki ka quajtur raportime jo të sakta të mediave.
“Komandanti i KFOR-it, në përputhje me deklaratat e mëparshme, ka bërë të qartë se trupat e KFOR-it nuk kanë qenë të angazhuara në aktivitete stërvitore me Policinë e Kosovës dhe Forcat e Sigurisë së Kosovës, siç thuhet gabimisht në disa raportime mediatike”, thuhet në njoftimin e tyre.
Në njoftim po ashtu bëhet e ditur, se komandanti i KFOR-it është takuar me kryeministrin e Kosovës, Albin Kurti për të diskutuar situatën e sigurisë në veri të vendit.
KFOR-i, i ka njoftuar të gjitha palët në lidhje me aktivitetet e tyre për ta siguruar lirinë e lëvizjës dhe shmangien e tensionimit të situatës.
“Gjatë javës, komandanti i misionit të NATO-s, KFOR-it, gjeneralmajor Ferenc KAJARI, u takua me Albin Kurtin nga katër komunat veriore të Kosovës. Komandanti i KFOR-it diskutoi situatën e sigurisë në veri të Kosovës dhe i informoi palët për aktivitetet dhe përpjekjet e vazhdueshme të KFOR-it për të vazhduar sigurimin, lirinë e lëvizjes dhe parandalimin e çdo përshkallëzimi të situatës”, thuhet në njoftim.
“Gjenerali KAJARI tha se KFOR-i mbetet plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të Kombeve të Bashkuara të vitit 1999 për të siguruar një mjedis të sigurt dhe të sigurt dhe lirinë e lëvizjes për të gjitha komunitetet në Kosovë”, vijon njoftimi.
Komandanti i KFOR-it, bëri të ditur se i ka përcjellur me vëmendje ngjarjet e 31 korrikut të këtij viti, dhe ka rikujautar që situata mund të shndërrohet në incidente dhune.
Ai ka potencuar se KFOR-i do të jetë i paanshëm.
“Ai përsëriti gjithashtu se KFOR-i i monitoroi me shqetësim postblloqet në veri të Kosovës më 31 korrik dhe rikujtoi rrezikun që një situatë kaq e tensionuar të shndërrohet në incidente të dhunshme. KFOR-i mbetet i paanshëm dhe i përkushtuar për të ofruar kornizën e sigurisë në të cilën mund të vazhdojë Dialogu i ndërmjetësuar nga BE-ja ndërmjet Beogradit dhe Prishtinës”, thuhet në njoftim.
Gjeneral KAJARI u bëri thirrje palëve që të shmangin veprimet e njëanshme, të ruajnë përmbajtjen dhe të përmbahen nga dhuna.
— @NATO – KFOR (@NATO_KFOR) August 26, 2022