Ministria e Shëndetësisë në Kosovë ka raportuar 26 të infektuar nga COVID-19 dhe asnjë rast i vdekjes.
Numri i të infektuarve vjen nga 818 mostra të marra nga Shërbimi Spitalor Klinik dhe Universitar i Kosovës (ShSKUK).
Sipas Ministrisë së Shëndetësisë, gjatë 24 orëve të fundit, janë shëruar, gjithsej, 32 persona.
Raste aktive me COVID-19, janë gjithsej 544.
Brenda 24 orëve të fundit, në Kosovë janë vaksinuar 169 persona kundër Coronavirusit.
Ndërkaq, 901 mijë e 778 persona janë vaksinuar me dozën e parë, teksa numri i të vaksinuarve me të dy dozat ka arritur në 820 mijë e 972.
Janë 1 milion e 823 mijë e 443 doza të administruara në total.
Po ashtu, një ditë më parë janë shënuar 27 persona pozitiv me COVID-19 dhe asnjë rast i vdekjes.