Raporti i OKB-së akuzon Kinën për shkelje të të drejtave të njeriut në Xinjiang

Ndalimi nga Kina i ujgurëve dhe grupeve të tjera etnike kryesisht myslimane në rajonin e saj veriperëndimor të Xinjiang-ut mund të ketë qenë krime ndërkombëtare – duke përfshirë “krime kundër njerëzimit” – sipas një raporti shumë të vonuar të Kombeve të Bashkuara të publikuar të enjtën e 1 shtatorit, i cili tashmë ka shkaktuar një përgjigje të zemëruar nga Pekini

Në raportin nga Zyra e Komisionerit të Lartë të OKB-së për të Drejtat e Njeriut (OHCHR) ka thënë se kanë gjetur “shkelje serioze të të drejtave të njeriut” në strategjitë e “kundër-terrorizmit” të qeverisë kineze që synojnë ujgurët dhe myslimanët e tjerë në Xinjiang.

Ligjet e anti-terrorizmit në Kinë ishin thellësisht problematike, dhe nga raporti janë ngritur shqetësime për “torturë ose keqtrajtim”, në kampe të parapurgimit, në të cilat Kina i referohet si “Qendrat e Arsimit dhe Trajnimit Profesional”.

Nga ai raport është kërkuar që qeveria e Kinës, të hetojë shkeljet e dyshuara të të drejtave të njeriut në kampet e paraburgimit dhe të kryejë një rishikim të plotë të fushës së veprimit të ligjeve të saj anti-terror.

Një raport gjithashtu ishte dërguar edhe në vitin 2017, pak para se Komisionerja e Lartë e OKB-së për të Drejtat e Njeriut, Michelle Bachelet, të përfundonte mandatin e saj katërvjeçar.

Në përgjigjen e saj zyrtare, Kina e hodhi poshtë me zemërim raportin, duke thënë se ai bazohej në “dezinformim dhe gënjeshtra të fabrikuara nga forcat anti-kineze”, shkruan Forbes.

Qeveria kineze është akuzuar për ndalimin arbitrar të grupeve etnike kryesisht myslimane të Xinjiang-ut në kampe ku thuhet se përballen me tortura, punë të detyruar dhe abuzim seksual, sipas dokumenteve të zbuluara dhe imazheve satelitore.

Këto gjetje kanë nxitur disa vende perëndimore, përfshirë SHBA-në, Britaninë e Madhe, Kanadanë dhe Bashkimin Evropian, të vendosin sanksione ndaj zyrtarëve dhe bizneseve kineze për përfshirjen e tyre të supozuar në abuzimet në Xinjiang.

Shija e redaktorit

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Të fundit nga rubrika