“Tregoni dikush ministrit të Financave se aq shumë po kanë qytetarët para në banka, saqë 100.000 djem e vajza e kanë lëshuar Kosovën prej kur ka ardhur ministri në pushtet”.
Kështu ka reaguar deputeti i Lidhjes Demokratike të Kosovës (LDK), Besian Mustafa, në lidhje me postimin e ministrit të Financave, Hekuran Murati, i cili kishte deklaruar se depozitat bankare në Kosovë po shënojnë nivel rekord.
“Në fund të muajit korrik, niveli i depozitave në valutën Euro ishte 4.88 miliardë euro”, ka shkruar Murati.
Disa herë radhazi, Murati ka folur për buxhetin e Kosovës, për të cilin ka thënë se pritet të rritet si rezultat i rritjes ekonomike.
Sipas tij, në tremujorin e parë të këtij viti ka pasur rritje të të hyrave prej 20 për qind.
Ai ka thënë se nëse vazhdon ky trend, Kosova mund ta ketë rritjen më të madhe ekonomike në rajon.
Murati: Parashikojmë që rritja ekonomike të jetë më e larta në rajon