Murati: Parashikojmë që rritja ekonomike të jetë më e larta në rajon

Ministri i Financave Hekuran Murati

Në konferencën e mbajtur pas mbledhjes së Qevrisë së Kosovës, Hekuran Murati, ministër i financave, ka folur për buxhetin e Kosovës, për të cilin tha se pritet të rritet si rezultat i rritjes ekonomike.

Sipas tij, në tremujorin e parë të këtij viti ka pasur rritje të të hyrave prej 20%.

Ai ka thënë se nëse vazhdon ky trend, Kosova mund ta ketë rritjen më të madhe ekonomike në rajon.

“Korniza afatmesme e shpenzimeve për tri vitet në vijim sapo u miratua, kjo kornizë parasheh se si do të shpenzohet buxheti për tri vitet e ardhshme. Pritet të rritet buxheti si rezultat i rritjes së ekonomike, pra nuk kemi të bëjmë vetëm me një efekt, kemi rritje në tremujorin e parë kemi rritje të të hyrave prej 20%”, ka deklaruar Murati.

Në vitin 2021, sipas ministrit të financave, Kosova do ta kalojë shifrën nominale të GDP-së prej 10 miliardë eurosh.

Rritja e çmimeve të materialeve ndërtimore

Ministri i Financave Hekuran Murati, ka deklaruar se janë duke e shikuar mundësinë që ta gjejnë në zgjidhje për problemin e rritjeve të çmimeve të materialeve ndërtimore.

Por, sipas tij, kontratat duhet të respektohen deri në fund, dhe se gjithmonë ka një rrezik të rritjes apo uljes së çmimit të materialeve.

“Mirëpo rreziku i njërës palë shndërrohet në përfitim të palës tjetër. Në rastin real askush nuk do shkonte te komunat të thotë ma rritni çmimin e kontratave se janë ulë çmimet, vetëm se e kishin realizuar të dyja palët. Këtë rrezik e bartin të dyja palët, por si Qeveri jemi duke parë se çfarë mund të bëjmë”, ka deklaruar ai.

Po ashtu, ka shtuar se si ministër, ka pasur takime me kryetarë të komunave ku edhe e kanë diskutuar këtë problem.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika