Koordinatori përgjegjës për veprat penale kundër integritetit seksual dhe njëherit prokurori në Zyrën e Kryeprokurorit të Shtetit, Bahri Hyseni, ka mbajtur një takim me të gjithë koordinatorët e prokurorive të vendit.
Bëhet e ditur se në fokus në këtij takimi ishte koordinimi i punës për trajtimin sa me efikas në të gjitha fazat e procedurës penale nëpër prokuroritë e vendit të veprave penale kundër integritetit seksual me ç’rast, janë prezantuar edhe raportet nga ana e të gjithë koordinatorëve të prokurorive.
“Me këtë rast janë prezantuar edhe raportet nga ana e të gjithë koordinatorëve të prokurorive, raporte këto, që kanë të bëjnë me lëndët për vitin 2021 dhe nëntëmujorin e vitit 2022”, thuhet në njoftim.
Krahas kësaj, në fund të këtij takimi është theksuar domosdoshmëria e bashkëpunimit me Policinë e Kosovës, mbrojtësit e viktimave dhe qendrat për punë sociale të cilat mund të drejtojnë në zbulimin e rasteve.