Nga 1.60 euro për litër sa ishte të enjten, çmimi i benzinës për ditën e premte është shtrenjtuar për një cent, 1.61 euro. Krahas këtij, është shtrenjtuar edhe ai i naftës.
Ministria e Industrisë, Ndërmarrësisë dhe Tregtisë (MINT) ka publikuar çmimet tavan për produktet e naftës për 24 orët e ardhshme. Bazuar në njoftimin e MINT, çmimi i naftës është shtrenjtuar për një cent, gjithsej 1.34 euro për litër.
Ndërkaq, çmimi i gazit ka mbetur i njëjtë.
“Çmimi maksimal i lejuar i produktit Dizel është 1.61 euro për litër, çmimi maksimal i lejuar i produktit Benzinë 1.34 euro për litër dhe çmimi maksimal i lejuar i produktit Gaz 0.76 centë për litër”, ka deklaruar MINT.
Ministria e Industrisë, Ndërmarrësisë dhe Tregtisë (MINT), pritet t’i publikojë çdo ditë çmimet tavan apo çmimet maksimale të lejuara për shitjen e derivateve.
Ky vendim është marrë si masë lehtësuese, pas rritjes së çmimeve të derivateve, dhe dyshimeve për keqpërdorime nga kompanitë që i shesin ato.
Këto çmime vlejnë nga ora 10:00 e së premtes dhe janë valide për 24 orët e ardhshme.