Pyetjes së gazetarëve se a po ndikon më shumë në arsim digjitalizimi apo greva, kryeministri Albin Kurti i është përgjigjur “ky është samit digjital dhe nuk është analog dhe unë prita që do të ketë pyetje për këtë Samit që është më i madhi në Ballkanin Perëndimor”.
Më tej Kurti, ka treguar se për çështjen e grevës e ka një takim me Sindikata Evropiane.
“Kompensimi i prej 50 eurosh bëhet për t’u përballur me inflacionin, dhe jo si zëvendësim për projektligjin për pagat, i cili tash ka dalë në dëgjim publik, dhe natyrisht do të sillet në fund në Kuvendin e Kosovës për të dy leximet”, ka theksuar Kurti.
Sipas tij, rrugëdalja nga kjo situatë është që mësimdhënësit të shkojnë në shkollë e të japin mësim dhe nxënësit të mësojnë.
“Kjo është e domosdoshme për dinjitetin e të gjithëve edhe për zhvillimin e mbarë shoqërisë”, ka përfunduar Kurti, duke thënë se rritjen ekomomike nuk e ndalin për vete por e shpërndajnë për të gjithë siç është bërë me dy pakot e ndihmës e ekonomik për t’u përballë me inflacionin.