Kandidati i AAK-së dhe kryetari aktual i Gjakovës, Ardian Gjini, ka konfirmuar për GazetaBlic se ka arritur një dakordim për bashkëpunim me kandidatin e LDK-së, Shefqet Shehu.
Ky konfirmim vjen pas publikimit të një fotografie ku të dy shiheshin së bashku, duke ngritur pyetje mbi një koalicion të mundshëm para balotazhit.
“Nuk kemi arritur tek detajet, por po, kemi dakordim që të bashkëpunojmë e ta bëjmë Gjakovën më të mirë,” ka deklaruar Gjini për GazetaBlic.
Kujtojmë se, në balotazh, Gjini përballet me kandidatin e Lëvizjes Vetëvendosje, Artan Abrashi.