Pa arritjes së marrëveshjes mes Kosovës dhe Serbisë ka reaguar dhe kryeministri në detyrë i Malit të Zi, Dritan Abazoviq.
Përmes një postimi, kryeministri i Malit të Zi ka thënë se e përshëndet dëshirën për mirëkuptim mes liderëve të dy shteteve fqinje dhe përpjekjet e përfaqësuesve të BE-së dhe SHBA-së që të arrihet marrëveshja.
“Qeveria e Malit të Zi mirëpret marrëveshjen ndërmjet Beogradit dhe Prishtinës, me mbështetjen e Bashkimit Evropian. Dialogu është zgjidhja e vetme e mundshme për tejkalimin e çdo krize”, shkruan Abazoviq në Twitter.
Dritan Abazoviq ka shtuar se duan paqe, stabilitet dhe prosperitet në Ballkanin Perëndimor. Ai ka përfunduar duke thënë se nuk mund ta ndryshojmë të kaluarën, por mund të riformojmë të ardhmen.