Pas vizitës me presidenten e Republikës së Kosovës, Vjosa Osmani-Sadriun, kryeministri në detyrë i Malit të Zi, Dritan Abazoviq, është pritur edhe nga zëvendëskryeministrja e Republikës së Kosovës për Çështje të Pakicave dhe Drejtat e Njeriut, Emilija Rexhepi.
Të pranishëm në takim janë edhe përfaqësuesit e minoriteteve të Republikës së Kosovës.
Aktualisht, takimi po zhvillohet në ndërtesën e Qeverisë.
Gjatë së premtes, Abazoviq u takua edhe me kreun e ekzekutivit, kryeministrin Albin Kurti si dhe me liderët e opozitës.
Kryeministri i Kosovës Albin Kurti, gjatë takimit me kryeministrin në detyrë të Malit të Zi Dritan Abazoviq, ka nënshkruar marrëveshjen për Shërbime Ajrore ndërmjet Qeverisë së Republikës së Kosovës dhe Qeverisë së Malit të Zi.
Kryeministri malazez, Abazoviq, ka mbërritur në Kosovë pasditen e së enjtes.
Për dy ditë radhazi, Abazoviq do të jetë në Kosovë për një vizitë, ku pritet të zhvillojë takime me drejtues të institucioneve, bizneseve dhe vizita në objektet fetare.