Kandidati për kryeministër nga Lidhja Demokratike e Kosovës (LDK), Lumir Abdixhiku, ka intensifikuar fushatën elektorale, duke takuar qytetarë në çdo pjesë të vendit.
Gjatë vizitës së fundit në fshatin Milloshevë të Obiliqit, Abdixhiku u prit me entuziazëm të madh nga qytetarët, duke theksuar se ndryshimi tashmë është i pashmangshëm.
“Në fshatin Milloshevë të Obiliqit, pritja ishte madhështore. Kaq shumë entuziazëm e mbështetje po gjejmë në çdo anë të vendit!
Kjo fushatë, është bërë tashmë kryengritje e djathtë kombëtare! Populli ynë do ndryshim! Ndryshimi po vjen; dhe s’ka asgjë që e ndalë atë tashmë!
Vazhdojmë, secilën ditë e secilën mbrëmje në takime e tubime në mbarë Kosovën!
Ju faleminderit! LDK dhe populli janë tashmë një!”, ka shkruar Abdixhiku në Facebook.
