Shefi i Grupit Parlamentar të AAK-së, Besnik Tahiri, ka bërë të ditur se Adnan Dibrani ka fituar një ulëse në Parlamentin Evropian në zgjedhjet që u mbajtën këto ditë.
Tahiri në një postim në X ka shkruar se Adnani po bëhet shqiptari i parë nga Kosova i zgjedhur në Parlamentin Evropian.
Sipas deputetit të AAK-së, Dibrani ka lindur në Mitrovicë dhe si i ri ka emigruar në Suedi.
“Adnani është nga Mitrovica dhe ka emigruar në Suedi në vitet e 90-ta, ku kishte një angazhim të madh si qytetar aktiv. Ai ishte deputet në Suedi dhe gjithashtu anëtar i Asamblesë Parlamentare të Këshillit të Evropës”, ka shkruar Tahiri.
Preliminary results in 🇸🇪 show that @adnandibrani won a seat & is becoming the first 🇽🇰 albanian elected in @EUparliament.
Adnan, is from Mitrovica, he immigrated in 90s to 🇸🇪 where he had a great commitment as an active citizen.
He was MP in 🇸🇪 and also a member of @PACE_News. pic.twitter.com/bpw9P7QOPv
— Besnik Tahiri (@besnik_tahiri) June 10, 2024
Rezultatet preliminare tregojnë se partitë e qendrës, liberale dhe socialiste do të ruajnë shumicën në Parlamentin Evropian, por fitorja e së djathtës ekstreme u dha goditje të brendshme udhëheqësve të disa vendeve, përfshirë Francën dhe Gjermaninë.
Zgjedhjet për Parlamentin Evropian u mbajtën nga data 6 deri më 9 qershor në të 27 vendet e Bashkimit Evropian.
Presidenti i Francës, Emmanuel Macron, shpalli zgjedhjet e parakohshme kombëtare, pasi partia e tij u mposht bindshëm nga rivalja e ekstremit të djathtë.
Macron-i shpërndau Parlamentin dhe shpalli datën e votimeve më 30 qershor.
E djathta ekstreme përparon në zgjedhjet për Parlamentin Evropian