Kryetari i BDI-së, Ali Ahmeti, ka bërë të ditur se ka takuar emisarin amerikan për Ballkanin Perëndirmo, Gabriel Escobar.
Ahmeti bëri të ditur se ndër të tjera kanë biseduar edhe situatën në Kosovë, duke thënë se Kosova “ishte shqetësim i përbashkët i joni”.
“Kosova ishte shqetësim i përbashkët i joni, me ç’rast të dy vlerësuam që Marrëveshja e Ohrit midis Kosovës dhe Serbisë është historike dhe duhet të zbatohet pa asnjë vonesë”, ka shkruar Ahmeti në Facebook.
Më tej, Ahmeti ka thënë se ShBA-të janë miku më i vyer dhe i çmuar i gjithë shqiptarëve.
“Shtetet e Bashkuara të Amerikës janë miku më i vyer dhe i çmuar jo vetëm i Kosovës, por edhe të gjithë shqiptarëve dhe tërë rajonit, por shqiptarët në veçanti janë mirënjohës për rolin dhe kontributin amerikan për liri, paqe dhe demokraci dhe ky vlerësim i të gjithë neve nuk lëkundët dot”, ka shtuar Ahmeti.