Aivo Orav, i cili aktualisht shërben si ambasador i Bashkimit Evropian në Estoni, është zgjedhur si shefi i ardhshëm i Zyrës së BE-së në Kosovë.
Ky vendim vjen pasi edhe Miroslav Lajçak pritet të nisë mandatin si ambasador i BE-së në Zvicër në fillim të shtatorit, kështu ka raportuar Radio Evropa e Lirë.
Ende nuk dihet se kush do ta zëvendësojë Lajçakun në postin e të dërguarit të posaçëm për dialogun për normalizimin e raporteve mes Kosovës dhe Serbisë.
Lajçak me post të ri nga shtatori
Kur të konfirmohet edhe zyrtarisht, Orav do ta zëvendësojë në këtë post në Prishtinë ambasadorin aktual, Tomas Szunyog.
Shefi i ardhshëm i zyrës së BE-së në Kosovë ka përvojë në rajonin e Ballkanit Perëndimor, pasi më herët ka shërbyer si shef i delegacionit të bllokut evropian në Maqedoninë e Veriut dhe në Mal të Zi.
Në kuadër të ndryshime, diplomati italian, Luigi Soreca, pritet të bëhet shef i delegacionit të BE-së në Sarajevë të Bosnje e Hercegovinës. Diplomati italian ka qenë ambasador i bllokut në Shqipëri.