Policia e Kosovës ka bërë të ditur se ka ndodhur një aksident trafiku afër konvikteve në Prishtinë, ku kanë mbetur gjashtë persona të lënduar.
Këtë e ka konfirmuar për Dukagjinin, zëdhënësja e Policisë për rajonin e Prishtinës, Flora Ahmeti, e cila ka shtuar se në këtë aksident kanë qenë të përfshira dy vetura në lëvizje.
“Sot rreth orës 09:00 kemi pranuar informatën se në udhëkryqin afër konvikteve në Prishtinë, ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit, lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, ka njoftuar Ahmeti.