Drejtoria e Inspektoratit në Prishtinë, të dielën e katër dhjetorit ka njoftuar se është duke zhvilluar aksion kundër taksive ilegale në pika të ndryshme të kryeqytetit.
Në njoftimin e tyre thuhet se këto taksi paraqesin rrezik potencial për sigurinë e qytetarëve të cilët i shfrytëzojnë të njëjtit për qarkullim.
Pos, kësaj siç thuhet në njoftim, këto taki shkaktojnë edhe probleme të mëdha në mbarëvajtjen e komunikacionit në kryeqytet.
“Drejtoria e Inspekcionit nën asistimin edhe të Policisë së Kosovës, është duke zhvilluar një aksion kundër taksive ilegal në pika të ndryshme të kryeqytetit, të cilët, përveç problemeve të mëdha që po shkaktojnë në mbarëvajtjen e komunikacionit në kryeqytet, paraqesin edhe rrezik potencial për sigurinë e qytetarëve të cilët shfrytëzojnë të njëjtit për qarkullim”, thuhet në njoftim.