Deputeti i VV-së, Arbër Rexhaj, ka komentuar situatën e tensionuar në veri të Kosovës.
Rexhaj e ka cilësuar këtë aksion të policisë për të hyrë në ndërtesat komunale në veri si “rend dhe ligj, pikë”.
Ndërsa, ambasadori i Kosovës në ShBA, Jefrrey Hovenier, i ka dënuar veprimet e autoriteteve të Kosovës në tri komunat e veriut të Kosovës. Ai i ka cilësuar të dhunshme masat e Policisë së Kosovës në atë pjesë të vendit, teksa ka bërë thirrje që ato të ndalen menjëherë.
ShBA e dënon aksionin e Policisë në veri, e cilëson si masë të dhunshme
“Shtetet e Bashkuara dënojnë veprimet e vazhdueshme të autoriteteve kosovare për të hyrë në ndërtesat komunale në veri të Kosovës. Masat e sotme të dhunshme duhet të ndërpriten menjëherë”, ka shkruar Hovenier.
Ndryshe, Policia e Kosovës, respektivisht Njësia Speciale, është duke vazhduar në asistimin e tyre për të krijuar kushte që kryetarët e tri komunave veriore, Leposaviq, Zubin Potok dhe Zvecan, të hyjnë në objektet komunale.
Tashmë brenda objektit është mundësuar të hyjë, kryetari i Zubin Potokut dhe ai i Leposaviqit. Atyre i është mundësuar hyrja pas ndërhyrjes së njësisë speciale të Kosovës, ku edhe i kanë shpërndarë protestuesit.
Gjatë ndërhyrjes ka pasur rezistencë nga grupet serbe, madje ka pasur edhe të shtëna me armë zjarri.
Si pasojë e përplasjeve me protestues, pesë policë të Kosovës janë lënduar lehtë.