Ka ndërruar jetë Irene Papas, një nga aktoret më të rëndësishme greke të brezit të saj.
Aktorja dhe këngëtarja greke me origjinë shqiptare ka lindur në vitin 1926 në Chiliomodi afër Korinthit dhe ka pasur një karrierë e cila ka zgjatur më shumë se 50 vjet.
Papas është njohur si një aktore jashtëzakonisht e talentuar me një gamë të madhe emocionale dhe ka luajtur në një listë të gjatë filmash të Hollivudit që e bënë atë një emër të njohur ndërkombëtarisht, njofton greekreporter.
Ajo fitoi njohje ndërkombëtare përmes filmave të tillë të njohur të vlerësuar me çmime si The Guns of Navarone dhe Zorba the Greek.
Ndryshe, Papas vuante nga sëmundja Alzheimer që nga viti 2013 dhe që nga ajo kohë kishte vendosur të jetonte larg syrit të publikut.