Pjesa e parë mes Ballkanit dhe Dinamo e Zagrebit u mbyll me epërsinë e ngushtë 1-0 për ekipin tonë.
Sulmuesi i krahut, Almir Kryeziu, ka qenë heroi i momentit, pasi mori topin dhe, duke u futur në zonë, shënoi në rrjetën e Dinamos me një goditje direkt në rrjetë.
Ndërkohë, vendimi për golin e minutës së 44-të fillimisht u anulua nga arbitri kryesor për shkak të një pozite jashtë loje.
Megjithatë, pas rishikimit të situatës nga VAR-i, vendimi u shfuqizua, duke sjellë gëzim për tifozët e Ballkanit.
Ndeshja është duke u zhvilluar në stadiumin “Fadil Vokrri” në Prishtinë dhe i takon Grupit C të Ligës së Konferencës
Trajneri i Ballkanit, Ilir Daja kishte publikuar formacionin për ndeshjen kundër Dinamo Zagrebit.
Në portë, te Ballkani është Enea Koliçi, ndërsa reparti i mbrojtjes përbëhet nga Armend Thaqi e Lorenc Trashi në krahë dhe Lumbardh Dellova e Bajram Jashanica në qendër.
Kapiteni Edvin Kuç është në mesfushë së bashku me Qëndrim Zybën, Nazmi Gripshin e Marsel Ismajlgecin.
Ndërkohë, sulmit të kampionit të Kosovës, i prijnë Albin Berisha e Almir Kryeziu.