Në Ditën Botërore të Lirisë së Shtypit, Ambasada e ShBA-së në Kosovë ka thënë se një demokraci e fortë inkurajon një shtyp të lirë.
“Një demokraci e fortë inkurajon një shtyp të lirë – atë që e mban publikun të informuar, mundëson një shumëllojshmëri zërash dhe i mban udhëheqësit përgjegjës”, thuhet në postimin e Ambasadës në platformën “X”.
Asociacioni i Gazetarëve të Kosovës (AGK) ka njoftuar sot se Kosova ka shënuar rënie për 19 vende në indeksin e lirisë së medieve nga “Reporterët Pa Kufij”. Në këtë vit, Kosova renditet në vendin e 75-të, ndërsa vitin e kaluar renditej në vendin e 56-të.
Lexo më shumë: Kosova shënon rënie për 19 vende në indeksin e lirisë së medieve nga Reporterët Pa Kufij
Organizata më e madhe botërore për lirinë e medies jep një sërë arsyesh për përkeqësimin e lirisë së medias në vendin tonë.
“Edhe pse media me sukses vazhdon t’i mbajë politikanët përgjegjës, gazetarët vazhdojnë të jenë target i sulmeve politike. Rregullatori joefikas i medieve, KPM, po provon të reformojë veten. Televizioni më i madh, Klan Kosova, ka qenë subjekt i sulmeve administrative nga qeveria, e cila gjithashtu e ka kërcënuar pavarësinë e transmetuesit publik, RTK me zgjedhjen e një aleati të afërt të partisë në pushtet për drejtor. Mediet në gjuhën serbe, që janë nën presion nga forcat politike serbe, janë ankuar për diskriminim në qasje në informatat publike, sidomos në gjuhën e tyre, që është e drejtë kushtetuese për minoritetet”, thuhet në raport.
A strong democracy encourages a free press — one that keeps the public informed, enables a diversity of voices, and holds leaders accountable. pic.twitter.com/VOUebnmUB7
— U.S. Embassy Pristina (@USEmbPristina) May 3, 2024