Drejtoresha e Arsimit në Komunën e Prishtinës, Besianë Musmurati, ka bërë të ditur se sot kanë pranuar një donacion nga Ambasada e Amerikës për të furnizuar me inventarë shkollorë gjimnazin e Shkencave Shoqërore “Ahmet Gashi” në Prishtinë.
“Sot e pranuam donacionin nga Ambasada amerikane për të furnizuar me inventarë shkollorë gjimnazi i Shkencave Shoqërore ‘Ahmet Gashi’ – Prishtinë”, ka shkruar Musmurati.
Ndër të tjera, ajo ka thënë se i gjithë objekti i kësaj shkolle do të renovohet vitin e ardhshëm me anë të financimit nga Ambasada amerikane.
“Gjithashtu pranuam edhe lajmin e mirë që edhe renovimi i tërësishëm i objektit të shkollës do të fillojë vitin e ardhshëm, me financim të Ambasadës amerikane. Mezi po e presim shtatorin”, ka përfunduar ajo.