Ambasada e Shteteve të Bashkuara në Tiranë ka lëshuar një njoftim sigurie, duke paralajmëruar për rrezik të shtuar për qytetarët amerikanë në Shqipëri.
Në njoftim thuhet se grupe të lidhura me Iranin mund të synojnë objekte amerikane ose elementë të opozitës iraniane në vend, por gjithashtu mund të shënjestrojnë edhe vende publike si qendra tregtare, hotele, restorante, klube dhe zona turistike.
Ambasada u ka bërë thirrje qytetarëve amerikanë që të tregojnë kujdes të shtuar, të ndjekin mediat lokale për informacione të reja, të jenë të vetëdijshëm për mjedisin përreth dhe të rishikojnë planet e tyre të sigurisë, duke mbajtur telefonin të karikuar në rast emergjence.