Ambasadori britanik në Kosovë, Jonathan Hargreaves ka takuar kryeministrin në detyrë, Albin Kurti, këtë të mërkurë.
Hargreaves ka bërë të ditur se kanë diskutuar për fushatën zgjedhore që nisi sot dhe formimin e shpejt të institucioneve në vitin e ri, njofton Dukagjini.
“Sot takova Kryeministrin në detyrë Albin Kurti. Diskutuam fushatën zgjedhore dhe shpresojmë për një proces zgjedhor të qetë që mundëson formimin e shpejtë të institucioneve në vitin e ri”, ka shkruar ambasadori.
Mes tjerash, ambasadori britanik ka kërkuar që qeveria e ardhshme të rifillojë progresin në dialogun e lehtësuar nga BE-ja me Serbinë.
“Kjo është thelbësore për përparimin e nevojshëm urgjentisht në fusha të tilla si buxheti kombëtar. Gjithashtu diskutuam nevojën që qeveria e ardhshme të rifillojë progresin në Dialogun e lehtësuar nga BE-ja dhe integrimin evropian, si dhe masa aktive për të lehtësuar integrimin e mëtejshëm të komuniteteve jo-shumicë të Kosovës. Shpresoj që të mund ta thellojmë partneritetin Britani-Kosovë me qeverinë e ardhshme”, ka shkruar Hargreaves.