Ndeshja mes Atletico Madrid dhe Juventus që është paraparë të mbahet të dielën e 7 gushtit, nuk do të zvillohet për shkaqe sigurie.
Juventusi ishte i pari që kishte vendosur të mos udhëtonte në Izrael për shkak të konfliktit në Rripin e Gazës.
Dhe më pas Atletico e ka bërë të njëjtën gjë.
Duke njoftuar se ndeshja nuk do të realizohet për arsye sigurie.
Të premten e 5 gushtit shtypi izraelit ka raportuar se më shumë se 100 raketa ishin lëshuar kundër Izraelit. Disa alarme janë ngritur në zonat afër stadiumit ku ishte menduar të zhvillohej ndeshja, raporton Besoccer.
Sipas ‘Carrusel Deportivo’, ndeshja mund të ndryshojë vend.
Juventus dhe Atletico thuhet se kanë rënë dakord që të luajnë ndeshjen në Torino të dielën por asnjë nga dy klubet nuk e ka konfirmuar ende këtë.