Policia e Kosovës ka njoftuar se ka arrestuar dy persona në raste të ndara, si të dyshuar për kryerjen e veprës penale “dhunim” në rajonin e Prishtinës.
Policia në raportin e saj ditor bëri të ditur fillimisht se një grua është dhunuar në Fushë -Kosovë. Pastaj i dyshuar është arrestuar dhe dërguar në mbajtje. Sipas raportit, ngjarja dyshohet të ketë ndodhur më 18 gusht.
“Fushë Kosovë / 18.08.2024 – 20:30. Më 20.08.2024 është arrestuar i dyshuari mashkull kosovar pasi i njëjti dyshohet se e ka dhunuar viktimën femër kosovare. Me vendim të prokurorit i dyshuari është dërguar në mbajtje.”, vijon Policia.
E në kryeqytet, sipas raportit, bëhet e ditur se një grua ka njoftuar se është dhunuar nga i dyshuari.
Me vendim të prokurorit, i dyshuari është dërguar në mbajtje.
- Prishtinë / 17-18.08.2024 – 21:00-00:00.Më 20.08.2024 viktima kosovare ka njoftuar se është dhunuar nga i dyshuari kosovar. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raport.