Arrestohen dy zyrtarë të MINT-it

Dy zyrtarë të Ministrisë së Industrisë, Ndërmarrësisë dhe Tregtisë (MINT) janë arrestuar pas bastisjes nga Policia e Kosovës për dyshime të keqpërdorimeve të rezerave shtetërore. Disa zyrtarë policorë së bashku më disa dokumente që janë marrë brenda zyrave janë larguar nga MINT. Ndërkaq, bastisja brenda ambienteve të ministrisë po vazhdon akoma

Janë arrestuar dy zyrtarë të Ministrisë së Industrisë, Ndërmarrësisë dhe Tregtisë (MINT) pas bastisjes së këtij dikasteri nga Policia e Kosovës.

Në Polici janë shoqëruar drejtori i Departamentit për Rezervat Shtetërore të Mallrave, Hafiz Gara, dhe drejtori i Departamentit për Integrim Evropian dhe Koordinim të Politikave, ish-sekretari Irfan Lipovica.

Disa zyrtarë policorë së bashku më disa dokumente që janë marrë brenda zyrave janë larguar nga Ministria e Tregtisë dhe Industrisë.

Ndërkaq, ekipi i RTV Dukagjinit i cili po raporton nga vendi i ngjarjes bën të ditur se bastisja ende nuk ka përfunduar.

Kjo ministri dyshohet se u bastis për shkak të dyshimeve për keqpërdorime të rezervave shtetërore, respektivisht të vajit dhe të grurit.

Gara dhe Lipovica dëgjohen në disa audioincizime të siguruara nga mediumi “Nacionale” duke thënë se vaji i paguar nga shteti i Kosovës nuk ka ardhur nga Polonia në Kosovë.

Bastisja në këtë ministri ka filluar në orën 8;00, pas bastisjes së banesës dhe restorantit të Ridvan Muharremit.

Siç raporton ekipi i RTV Dukagjini që gjendet në vendin e ngjarjes, aksioni te pronat e Muharremit ka nisur në gjashtë të mëngjesit.

Fillimisht është bastisur biznesi i Ridvani Muharremit, që është një restorant afër shtëpisë së tij.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika