Gjashtë persona janë arrestuar mbrëmë në Obiliq, të dyshuar për veprën penale “dëmtim i varrezave apo kufomave”.
Sipas Policisë së Kosovës, rasti ka ndodhur më 13 dhjetor 2025, në fshatin Plemetin të Obiliqit.
Pas veprimeve hetimore, Njësiti i Hetimeve i Stacionit Policor në Obiliq ka arritur të identifikojë dhe arrestojë gjashtë persona të dyshuar, prej të cilëve pesë janë të mitur.
Policia bën të ditur se ekziston dyshimi i arsyeshëm se të dyshuarit kanë qenë të përfshirë në këtë rast.
Me vendim të prokurorit kompetent, të dyshuarit janë dërguar në mbajtje, ndërsa hetuesit policorë janë duke vazhduar me të gjitha veprimet e nevojshme hetimore dhe procedurale për zbardhjen e plotë të rastit.