Tre persona të dyshuar janë arrestuar në Klinë, pasi përplasën veturën e tyre me atë të një viktime burrë, duke shkaktuar një aksident në të cilin përfshiheshin edhe tri viktima të tjerë, dy burra dhe një grua.
Policia e Kosovës ka njoftuar se dyshohet se të dyshuarit sulmuan fizikisht viktimat, duke shkaktuar lëndime ndaj drejtuesit të veturës-taksi, i cili më pas ka pranuar trajtim mjekësor.
Rasti është iniciuar “Dhunë në familje & lëndim i lehtë”.
Pas intervistimit të palëve dhe në bazë të vendimit të prokurorit, të dyshuarit janë dërguar në mbajtje për të vazhduar hetimet në lidhje me rastin.
“Janë arrestuar tre të dyshuar meshkuj kosovarë pasi të njëjtit dyshohet se me veturën e tyre fillimisht kanë sulmuar-aksidentuar veturën-taxi të cilën ishte duke e drejtuar viktima mashkull kosovar, në të cilën ndodhin edhe tre viktimat, dy meshkuj dhe një femër kosovarë. Dyshohet se të dyshuarit kanë sulmuar edhe fizikisht viktimat dhe si pasojë viktima-drejtuesi i veturës ka pranuar tretman mjekësor. Me vendim të prokurorit, pas intervistimit të palëve, (tre) të dyshuarit janë dërguar në mbajtje”, thuhet në njoftimin e PK-së.