Të shtunën e 17 dhjetorit, Policët e stacionit në Ferizaj nga Drejtoria Rajonale e Policisë në Ferizaj, kanë pranuar një informacion se mbrëmë rreth orës 22:30 në fshatin Talinovc i Muhaxherëve të Ferizajt ishte një rast i dhunës në familje.
Tutje Policia ka njoftuar se në lidhje me këtë policia i ka marrë veprimet e nevojshme dhe në rast janë kyçyr hetuesit e Njësisë së Dhunës në Familje të cilët e kanë arrestuar personin me iniciale A.Th, i moshës 27-vjeçare.
“I cili shkaku i një mosmarrëveshje, kishte shkaktuar dhunë në familje duke e kanosur nënën e tij të moshës 62 vjeçare”, thuhet në njoftimin e Policisë së Kosovës.
Mes tjerash Policia ka theksuar se të dyshuarin e ka shoqëruar në stacionin e policisë nê Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar “Dhunë në familje”.