Policia e Kosovës ka njoftuar se tashmë është arrestuar edhe i dyshuari i dytë për dhunimin e një të miture në Suharekë më 26 shtator të këtij viti.
Siç thuhet në njoftimin e Policisë, personi i dytë është arrestuar të mërkurën, ndërsa i dyshuari i parë ishte arrestuar menjëherë.
“Me 02.10.2024 lidhur me rastin është arrestuar edhe një i dyshuar mashkull kosovar dhe me vendim të prokurorit është dërguar në mbajtje”, thuhet në raportin 24-orësh të PK-së.
Më 26 shtator, Policia kishte njoftuar se e mitura është dërguar për ekzaminim mjekësor.