Policia e Kosovës ka zhvilluar hetime intensive lidhur me një person të dyshuar, për të cilin kishte dyshim të bazuar për përfshirje në veprën penale të ‘Fajdesë’ në Mitrovicën e Jugut.
Siç bëhet e ditur në njoftimin e Policisë, të mërkurën është arrestuar i dyshuari teksa në kohën e arrestimit po kryente veprën për të cilën dyshohej, njofton Dukagjini.
“Me urdhër të gjykatës është kryer kontrolli në objektin banesorë, dhe objektet ndihmëse pronë e të dyshuarit, ku janë konfiskuar dëshmi që lidhen me rastin. I dyshuari është intervistuar në prezencë të avokatit mbrojtës, dhe me urdhër të prokurorit është dërguar
në qendrën e mbajtjes”, thuhet në njoftim.