Policia e Kosovës ka arrestuar një person të gjinisë mashkullore nën dyshimin se ka therur me thikë një grua.
Në raportin e përditshëm të policisë bëhet e ditur se viktimës i është ofruar tretman mjekësor, ndërsa më pas është liruar në shtëpi.
Me vendim të prokurorit, i dyshuari është dërguar në mbajtje.
Ky rast në polici është hapur si “Lëndim i lehtë trupor”.
“Është arrestuar i dyshuari mashkull kosovar, nën dyshimin se e ka therë me thikë viktimën femër kosovare. Viktimës iu është ofruar tretman mjekësor e më pas është liruar për në shtëpi. Me vendim të prokurorit, i dyshuari është dërguar në mbajtje”, thuhet në raport.