Policia e Kosovës ka arrestuar një person në Gjakovë, nën dyshimin se ka sulmuar seksualisht një grua.
Në raportin 24-orësh bëhet e ditur se pas një pune operative të njësisë së hetimeve të Stacionit Policor në Gjakovë, është arritur të identifikohet i dyshuari, i cili me vendim të prokurorit është dërguar në mbajtje.
Tutje, në raport thuhet se për të dyshuarin, viktima ka raportuar se ishte i panjohur për të.
“Ankuesja femër kosovare ka raportuar se është sulmuar seksualisht nga i dyshuari i panjohur. Pas një pune operative-hetimore nga njësia e hetimeve të Stacionit Policor Gjakovë është arritur të identifikohet i dyshuari i cili është arrestuar dhe pas intervistimit me vendim të prokurorit është dërguar në mbajtje”, thuhet në raport.