Policia e Kosovës ka arrestuar një person dje në Gjilan, nën dyshimin për grabitje.
Sipas një komunikate për media, Njësiti i Hetimeve të Stacionit Policor Gjilan ka arritur që ta identifikojë, ta lokalizojë dhe ta arrestojë të dyshuarin F.S. (viti i lindjes 1975).
Policia bën të ditur se arrestimi i tij është bërë nën dyshimin se i njëjti me datën 28.05.2024 rreth orës 05:10, kishte arritur që nën kërcënimin e thikës nga punonjësi i një pike të karburanteve, të grabisë një shumë të parave të gatshme dhe një telefon celular, duke u larguar më pas nga vendi i ngjarjes.
Me vendim të Prokurorit të Shtetit, i dyshuari është dërguar në mbajtje për 48 orë dhe ndaj tij do të ngrihet kallëzim penal për veprën penale “Grabitje”.