Të enjten e 21 marsit në Mitrovicë, Policia e Kosovës ka arrestuar një të dyshuar pasi kishte sulmuar fizikisht bashkëshorten dhe gjatë intervistimit i dyshuari ka pranuar se në banesë posedonte armë zjarri e cila ishte pa leje.
“Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht bashkëshorten e tij viktimën femër kosovare. Nuk raportohet për të lënduar, ndërsa gjatë intervistimit i dyshuari ka pranuar se në banesë posedon armë zjarri”, thuhet në raportin e policisë.
Njësiti policor ka thënë se, arma e zjarrit ishte e llojit TT me një karikator, kishte 85 fishekë të kalibrit 7.62 mm të cilët janë konfiskuar, ndërsa me vendim të prokurorit i dyshuari është liruar në procedurë të rregullt.