Policia e Kosovës ka bërë të ditur se një person është arrestuar në Pejë për ngacmim dhe armëmbajtje pa leje, pasi dyshohet se ka kërcënuar familjen Haradinaj përmes një videoje të publikuar në rrjetet sociale.
Sipas policisë, i dyshuari në rrjetin social kishte postuar një video incizim duke ofenduar familjen Haradinaj teksa gjatë kontrollit në shtëpinë e tij janë gjetur dhe konfiskuar dy armë zjarri – pistoleta, njëra me 4 copë fishekë.
I dyshuari është intervistuar dhe me vendim të prokurorit i është caktuar masa e ndalimit për 48 orë.