Agjencia e Statistikave të Kosovës (ASK) mban këtë të hënë konferencën përmbyllëse për medie lidhur me Regjistrimin e Popullsisë, të Ekonomive Familjare dhe të Banesave në Kosovë.
Konferenca pritet të fillojë nga ora 10:00 në zyrat e ASK-së.
Regjistrimi i popullsisë në disa komuna të Kosovës, i cili filloi më 5 prill dhe ishte shtyrë deri më 24 maj për të siguruar përfundimin e suksesshëm të procesit, përfshirë komunat si Dragash, Prishtinë, Prizren, Drenas, dhe të tjera, ka përfunduar të premten e kaluar.
Në periudhën sa është shtyrë regjistrimi, intervistat janë zhvilluar nga stafi i Agjencisë së Statistikave të Kosovës (ASK).
ASK: Në Kosovë s’ka rënie të madhe të numrit të popullsisë
Ylli Shala, menaxher i projektit në Agjencinë e Statistikave (ASK), ka theksuar se rënia e natalitetit dhe migrimi janë dy faktorët kryesorë që kanë ndikuar në rënien e numrit të popullsisë, por që, sipas tij, në Kosovë nuk ka shumë rënie të numrit të banorëve.
Më 13 maj, kryeshefi ekzekutiv i ASK-së, Avni Kastrati, ka njoftuar se deri më tani janë regjistruar 1 milion e 420 mijë e 148 qytetarë.
Në konferencë për medie, Kastrati ka thënë se numri i qytetarëve të diasporës të regjistruar online ka kaluar 400 mijë, me pjesën dërrmuese të qytetarëve të Kosovës që jetojnë jashtë vendit, por që kanë nënshtetësi të Kosovës.
Periudha shtesë e regjistrimit të popullsisë përfundon këtë të premte