“Asnjë shqiptar nga Kosova nuk iu bashkua luftës në Ukrainë”, ka thënë Shef i Stafit në Kabinetin e Presidentes së Republikës së Kosovës, Blerim Vela.
Ai gjithashtu ka shtuar se “asnjë çeçen apo çerkez, nuk ka komplotuar për të vrarë serbët e Kosovës”.
Vela më tej ka thënë se artikujt propagandistik të mediave në Serbi, janë dezinformim i plotë kur thanë se ka pasur shqiptarë të Kosovës që i janë bashkangjitur luftës në Ukrainë dhe çeçenët kanë planifikuar që t’i vrasin serbët e Kosovës.
Më tej ai ka shkruar në rrjetin social Twitter, se mediat pro-regjimit të presidentit të Serbisë, Aleksandar Vuçiq, po i përkrahin deklaratat e këtij të fundit gjatë konferencës së 21 gushtit në Beograd me përfaqësuesit e serbëve nga Kosova.
🚨#Serbia’s pro-regime media are amplifying disinformation promoted by #Vučić during yesterday’s press conference:
‼️ No Albanians from Kosovo joined the war in Ukraine
‼️ No Chechens or Cherkess have plotted to assassinate #Kosovo Serbs
This disinfo serves #Russia’s narrative pic.twitter.com/R0vmsN0Crp
— Blerim Vela (@Blerim_Vela) August 22, 2022
“Mediat pro-regjimit të Serbisë po përforcojnë dezinformatat e promovuara nga Vuçiq gjatë konferencës së djeshme për shtyp”, ka shkruar Vela në Twitter.