Të shtëna me armë zjarri janë regjistruar këtë mbrëmje në fshatin Milot të Shqipërisë, ku fillimisht u raportua për dy të plagosur, ndërsa njoftohet se njëri prej tyre ka ndërruar jetë.
Bëhet fjalë për një 27-vjeçar i cili ka ndërruar jetë teksa po transportohej për në spital dhe i plagosuri 46-vjeç, raportohet se është në gjende të rëndë, pasi ka marrë plagë në këmbë dhe gjoks.
Nga raportimet e mediave të Shqipërisë, thuhet se në momentin e ngjarjes viktima dhe i plagosuri ishin poshtë shtëpisë duke hipur në makinë, ku sapo kishin dalë nga shtëpia, janë qëlluar nga një automjet në lëvizje.
Raportohet se ndaj këtyre dy personave është bërë atentat edhe më herët.
Policia është në vendngjarje për të zbuluar rrethanat e saj, ndërsa nuk dihen ende detaje të mëtejshme në lidhje me rastin.