Austria pritet t’i dërgojë 190 ushtarë në misionin e KFOR-it në Kosovë

Ministria e Mbrojtjes së Austrisë, ka njoftuar se gjatë këtij muaji do të dërgohet kontingjenti i 50-të i ushtarëve austriak në misionin e KFOR-it në Kosovë, me një pjesëmarrje prej 190 ushtarësh

Ushtarët austriak të KFOR-it në një mision në veri të Kosovës në qershor, 2023, fotoReuters.

Ministrja e Mbrojtjes e Austrisë, Claudia Tanner, ka bërë të ditur se gjatë këtij muaji në misionin e KFOR-it do të dërgohet kontingjenti i 50-të i ushtarëve austriak, në kuadër të të cilit do të shërbejnë 190 ushtarë.

Tanerova ka theksuar se vendi i saj është i përkushtuar për pjesëmarrje aktive në tejkalimin e krizave dhe sigurimin e paqes përmes operacioneve ndërkombëtare të paqes, në mënyrë që të përballet me sfidat e reja të shekullit të 21-të.

Ajo ka thënë se zgjidhja e problemeve aktuale të sigurisë kërkon bashkëpunim të ngushtë në nivel evropian dhe ndërkombëtar.

“Përveç përgjegjësisë së saj parësore për mbrojtjen ushtarake kombëtare, pjesëmarrja në operacionet paqeruajtëse ndërkombëtare është një prioritet i lartë për forcat e armatosura austriake. Ushtarët austriakë kanë dëshmuar gjithmonë se janë partnerë të besueshëm në Kosovë dhe jam e kënaqur që ky kurs vazhdon me rotacionin e kontingjentin e 50-të”, ka deklaruar ajo, raporton Militar Aktuell.

Austria merr pjesë në këtë mision që nga viti 1999.

Komandanti i kontigjentit të ri do të jetë koloneli i Shtabit të Përgjithshëm, Bernhard Gruber, i cili do të drejtojë rreth 190 ushtarë.

Që nga 2 korriku 1999, Forcat e Armatosura të Austrisë janë aktive në Kosovë.

Ministria austriake e Mbrojtjes ka thënë se Forcat e Armatosura të Austrisë kontribuojnë në ruajtjen e rendit dhe sigurisë publike, mbështesin organizatat ndërkombëtare dhe ndihmojnë në rindërtimin e rajonit.

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika