Deputeti i Kuvendit të Kosovës, Haxhi Avdyli, e ka quajtur të pafytyrë, ish-kryeministrin e Kosovës Isa Mustafa.
Këto komente, Avdyli, pasi që Mustafa të enjten gjatë ditës, i kishte akuzuar presidenten Vjosa Osmani, kryeministrin Albin Kurti dhe kryetarin e Podujevës Shpejtim Bulliqi, se kanë qenë bllokuesit kryesor për liberalizimin e vizave për Kosovën.
“I pafytyri që iku nga politika, akoma po moralizon. Ai cili do mbahet mend vetëm për koalicionet e natës me PDK-në përkundër që LDK kishte vendime tjera, shtiret e qan me lot krokodili. Ai që do hyn në historinë si shkatërruesi i LDK-së, flet për liberalizim e do mbahet mend për asociacion”, ka thënë Avdyli përmes një statusi në Facebook.
Duke ju referuar qeverisjes së Mustafës, Avdyli ka thënë se Kosova në atë kohë ishte në mesin e vendeve të korruptuara dhe në fund “të listës së lirisë së fjalës e lirive politike një pjesë të meritës e ka Isa Mustafa dhe partneri tij PDK”.
“Prandaj meritë pse Kosova ishte shndërruar në Eldorado ku vidhej në pikë të ditës dhoma e dëshmive, milionat nga thesari, bëheshin keqpërdorime e tenderomani të përditshme e bënë që Evropa ti mohoj Kosovës liberalizimin”, ka vijuar Avdyli.
Tutje Avdyli, e ka akuzuar Mustafën, se ishte fajtorë për dështimin e shtetit të Kosovës në shumë sektorë të ndryshëm.
“Prandaj për fund pse Kosova ishte në fund të pusit në shumë sektorë, njëri nga GËRMUESIT më të medhenj të atij pusi e ka emrin Isa Mustafa”, ka thënë Avdyli.
Në fund, deputeti Avdyli, ka thënë se Kosova sipas tij vazhdimisht po bën hapa përpara.
Mustafa fajëson Osmanin, Kurtin e Bulliqin për mosliberalizim të vizave