Shefqet Riza, babai i Triumf Rizës, e ka quajtur “dënim të ulët” vendimin që Gjykata mori për dënimin e Enver Sekiraqës prej 25 vjetësh burgim për nxitje në vrasjen e djalit të tij.
Ai ka thënë se Sekiraqa është vrasësi kryesor, duke theksuar se në Kosovë më të “vlefshëm janë kriminelët sesa policët”.
“Kurrfarë vendimi, dënim i ulët. Ky është vrasës kryesor. As hitleri se ka vra kërkon, por ka qenë nxitës, njësoj edhe ky. Më të vlefshëm kriminelët se polici që është i shpallur hero në këtë Kosovën tonë”, ka deklaruar Riza.
Ndryshe, sot Gjykata e ka dënuar Enver Sekiraqën me 25 vjet burgim për nxitje në vrasjen e policit Triumf Riza.
Sekiraqës i është ndërprerë edhe masa e arrestit shtëpiak.