Në ndeshjen e dytë të turneut “REPUBLEAGUE”, ekipi shqiptar “Bad News Eagles” u tregua i suksesshëm, duke e mposhtur me rezultat 2:0 me mapa ekipin “MAD Lions”.
Në të dy mapat ekipi shqiptar tregoi lojë të sigurt, duke e mbyllur mapin e parë me rezultat 16-7, ndërsa mapin e dytë 16-11.
Lojtari më i mirë në këtë ndeshje u shpall Flatron Halimi ( juanflatroo ), me vlerësimin nga HLTV 1.60.
Ndeshja e radhës për “Bad News Eagles” do të jetë kundër ekipit “ECSTATIC”, ku nëse ekipi shqiptar e fiton këtë ndeshje, do të sigurojë gjysmëfinalen në turneun “REPUBLEAGUE”.
Ndeshjen me ekipin “ECSTATIC” do ta zhvillojë në formatin “Bo3” më 12 qershor. Për ekipin shqiptar, kjo ndeshje do të jetë e vështirë, pasi u mposht disa herë nga ky ekip.