Kampioni i Kosovës, Ballkani, ka arritur të triumfojë përballë ekipit nga Ishujt Faroe, Klaksvik, në ndeshjen e parë të raundit të tretë kualifikues të Ligës së Konferencës.
Ballkani ndeshjen e filloi me golin e Nazmi Gripshit në minutën 30-të falë asistimit nga Lumbardh Dellova.
Vendasit vazhduan dominimin duke gjetur golin e dytë përmes Meriton Korenicës, i cili e dyfishoi epërsinë në minutën e 41-të, pas një asistimi nga Ermal Krasniqi.
Nikoqirët shënuan edhe në gjysmën e dytë kur Albion Rrahmani e realizoi golin e tretë në minutën e 50-të.
Golin e parë për skuadrën mysafirë e shënoi Pall Klettskard në minutën e 69-të, ndërsa i njëjti futbollist e ngushtoi rezultatin në minutën e 88-të.
Ballkani mbetet favorit që në ndeshjen e kthimit si mysafir më 11 gusht të sigurojë pjesëmarrjen në raundin e ‘play-offit’, pasi do të kualifikohej edhe me barazim.