Ekipi nga Suhareka, ‘Ballkani’ ka qenë nikoqir në ndeshjen e kthimit të play-off në Ligën e Konferencës, ku ka fituar kundër ekipit nga Maqedonia e Veriut, ‘Shkupi’ me rezultat minimal prej 1 me 0.
Në ndeshjen që u zhvillua në stadiumin ‘Fadil Vokrri’ në Prishtinë, golin e epërsisë dhe të vetmin në këtë ndeshje, e ka shënuar Meriton Korenica për ‘Ballkanin’ në minutën e 69-të.
KORENICA!!!!!
BALLKANI ARE GOING TO THE GROUPS OF THE CONFERENCE LEAGUE!!! pic.twitter.com/V18d2LVY9j
— Richard Wilson (@HYFPRW) August 25, 2022
Ekipi kosovar kishte epërsinë në lojtarë, pasi që nga minuta e dytë, ‘Shkupi’ kishte një lojtar më pak, ngase Abdula Xhelili u ndëshkua me një karton të kuq, në ndërhyrjen e tij ndaj Albion Rrahmanit.
Gjithashtu, suharekasit kishin përparësinë e terrenit vendas, por edhe të fitores nga ndeshja e parë me rezultat 2-1 të zhivlluar në Shkup.
Në fillimin e ndeshjes tifozët e ‘Shkupit’ kishin përgatitur një koreografi për lojtarët e tyre, ata kishin një mbishkrim, ku shkruante “Në tokën tonë, në tokën e Adem Jasharit”.