Ish-kreu i Partisë Demokratike (PD), Lulzim Basha, i ka mohuar akuzat se partia që kishte udhëhequr ka pranuar financim nga Rusia.
Basha për këtë çështje ka shkruar dhe në rrjetin tij social Twitter, ku ka thënë se “Partia Demokratike nuk ka marrë kurrë asnjë financim të huaj e aq më pak me burim rus”.
Më tej, ai ka theksuar se Partia Demokratike kishte kërkuar zyrtarisht nga drejtësia t’i zbulojë të vërtetën, sipas tij drejtësia i kishte hedhur poshtë këto pretendime për financime të huaja.
“Ne jemi krenarë për partneritetin e palëkundur me aleatin tonë strategjik SHBA, dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e plotë të Shqipërisë në BE”, ka shkruar në Twitter Basha.
1/2 Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë..
— Lulzim Basha (@lulzimbasha_al) September 14, 2022
Ky reagim kishte ardhur pasi një zyrtar i lartë i Shteteve të Bashkuara të Amerikës kishte thënë për mediumin Zërit i Amerikës se Partia Demokratike i kishte marrë rreth 500 mijë dollarë nga Rusia nëpërmjet firmave fiktive.