Shefi i Zyrës së Bashkimit Evropian në Kosovë, Tomas Szunyog, ka njoftuar mbi takimin me delegacionin e Sekretariatit të Komuniteti të Energjisë, ku është diskutuar për performancën e Kosovës në përputhje me Acquis të Komunitetit të Energjisë.
Në një postim në “X”, Szunyog ka thënë BE-ja mbështet Kosovën me 75 milionë euro si pjesë e Paketës së Mbështetjes së Energjisë.
Ai ka potencuar se Plani i Rritjes ofron një nxitje shtesë për të përshpejtuar reformat dhe siguron mjete financiare për projekte të rëndësishme.
“Takova një delegacion të Sekretariatit të Komunitetit të Energjisë, të udhëhequr nga drejtori i tij, për të diskutuar performancën e Kosovës në përputhje me Acquis (grup normash dhe standardesh ligjore) të Komunitetit të Energjisë. U vu në dukje se Plani i Rritjes ofron nxitje shtesë për të përshpejtuar reformat dhe siguron mjete financiare për projekte të rëndësishme”, tha ai.
“Ndërsa theksuam se tranzicioni i gjelbër, integrimi dhe dekarbonizimi i sektorit të energjisë janë pjesë përbërëse e Agjendës së Reformës së Kosovës, ne diskutuam gjithashtu zhvillimet e fundit në sektorin e energjisë. Theksoi se BE-ja mbështet Kosovën me 75 milionë euro si pjesë e Paketës së Mbështetjes së Energjisë”, ka shkruar Szunyog.
While stressing that green transition, integration & decarbonization of the energy sector are integral to #Kosovo’s Reform Agenda, we also discussed recent developments in the energy sector. Highlighted that the EU supports 🇽🇰with EUR 75 mil as part of the Energy Support Package.
— Ambassador Tomáš Szunyog (@EUAmbKS) June 3, 2024