Ambasadori i Bashkimit Evropian në Kosovë, Tomas Szunyog, e ka dënuar dëmtimin e makinave të ekipit të dy mediave në Kosovë, RTV Dukagjini dhe Kallxo.com.
Me anë të një postimi në llogarinë e tij në Twitter, ambasadori i BE-së ka thënë se gazetarët duhet të lejohen ta kryejnë punën pa pasur frikë për sigurinë e tyre.
“BE dënon dëmtimin e sotëm të makinave që i përkasin KallxoLive dhe RTV Dukagjini. Edhe pse situata e sigurisë në veri është e tensionuar dhe e vështirë, gazetarët duhet të lejohen të kryejnë punën e tyre pa frikë për sigurinë e tyre”, shkroi ai.
The EU condemns today’s damaging of cars belonging to @KallxoLive and RTV Dukagjini. Although the security situation in the north is tense and difficult, journalists must be allowed to conduct their work without fear for their safety.
— Ambassador Tomáš Szunyog (@EUAmbKS) May 29, 2023
Shumë makina të mediave në Kosovë, janë dëmtuar duke u shpuar gomat, thyer xhamat e shënuar grafite nacionaliste serbe gjatë raportimit të tyre nga protesta e qytetarëve serbë në komunat Zubin Potok, Leposaviq dhe Zveçan në kundërshtim të kryetarëve të rinj shqiptarë.
Në mesin e tyre ka qenë edhe vetura e ekipit të RTV Dukagjinit, e cila është dëmtuar gjatë raportimeve në Zubin Potok dhe në Leposaviq.
Përpos kësaj, disave prej tyre u janë shpuar edhe gomat.
Përkundër këtyre provokimeve, nga thirrje e vizatime të ndryshme, Policia e Kosovës dhe KFOR kanë qëndruar në nivel të detyrës, duke mos lënë që situata të eskalojë.